Freyjugata 46, húsið var byggt 1931 og hannað af Sigurði Guðmundssyni arkitekt. Húsið er friðað þar sem þetta er eina fúnkis húsið á íslandi sem er ennþá í sinni upprunalegu mynd. Vitið þið hvað það þýðir ef hús er friðað?
Hvaða formum takið þið eftir þegar þið horfið beint framan á húsið?
Húsið ber mörg af einkennum fúnkis stílsins má nefna hornglugga, stálpípuhandrið á svölunum og flatt þak.
Freyjugata 43 er eitt fyrsta húsið sem Einar Sveinsson húsameistari og arkitekt teiknaði að loknu námi en hann lærði arkitektúr í Þýskalandi. Munið þið eftir Heilsuverndarstöðinni? Hún er einmitt líka eftir Einar.
Freyjugagta 43 hefur útlitsleg einkenni fúnkishúsa, þakið var þó lagað að íslenskum aðstæðum en flöt þök hentuðu íslenskum aðstæðum (veðurfari) ekki vel.
Garðastræti 37 var hannað af Gunnlaugi Halldórssyni. En það var byggt árið 1939 fyrir fjölskyldu Þorsteins Víglundssonar athafnamanns. Eftir að fjölskyldan flutti úr húsinu hefur það hýst ýmiskonar starfsemi og tekið breytingum eftir því.
Stutt myndband um húsið og sögu þess hér.
Eins og sjá má hefur Garðastræti 37 breyst töluvert frá sinni upprunalegu mynd. Eflaust hafa breytingarnar ekki alltaf verið í samræmi við fúnkisstílinn sem húsið var upphaflega hannað í.